Сәби саудасына тоқтам болар емес. Аз ғана ақшаға өзегін жарып шыққан баласын сатып жіберген тасжүректердің бірі ұсталды.
Атырау облысы ІІД Ұйымдасқан қылмысқа қарсы күрес басқармасының қызметкерлері жедел-іздестіру іс-шаралары барысында Батыс Қазақстан облысының 32 жастағы тұрғынын ұстады. Оның 2021 және 2022 жылы туған балаларын сатып жібергенін анықтады.
Аталған факті бойынша ҚР Қылмыстық кодексінің 135-бабының 1-бөлігі «Кәмелетке толмағандарды саудалау» бойынша сотқа дейінгі тергеу басталды.
Күдікті анықталып, тергеу амалдары жүргізілуде. Басқа мәліметтер Қылмыстық іс жүргізу кодексінің 201-бабына сәйкес жариялануға жатпайды.
