Шымкенттік тұрғын «ОLХ» арқылы «газ пешін» аламын деп, алаяқтарға алданып қалды. Әл-Фараби АПБ-на арызданған тұрғынның айтуынша, «ОLХ» қосымшасынан тауар аламын деп алдын ала тауар құнын төлеген.
Бірақ, сатушы есеп-шотына ақша түскен бойда, ұялы телефонын сөндіріп, ізім-қайым хабарсыз кетіпті. Келтірілген шығын көлемі – 320 000 теңге.
Аталған дерек ҚК-тің 190-бабы 1-бөлігімен тіркелді. Жедел іздестіру шараларының нәтижесінде тәртіп сақшылары күдікті азаматшаны қала аумағынан қолға түсірді. Ол Қызылорда қаласының 23 жастағы тұрғыны болып шықты. Жұмыссыз, бұрын-соңды сотты болмаған.
Қазіргі кезде тергеу әрекеттері жалғасып жатыр.
