Алаяқтық жасағаны үшін сотталушы сот залынан қамауға алынды. Сотта Қазақстан Республикасының қылмыстық Кодексінің (бұдан әрі ҚК) 190 бабы 1-бөлігімен көзделген қылмыстық құқық бұзушылық бойынша Н-ға қатысты қылмыстық іс қаралды. Бұл туралы Созақ аудандық соты хабарлады.
Сотта анықталғандай, сотталушы Н. жәбірленуші Г-ның телефонына хабарласып «сотталған ініңді бас бостандығынан айыру мекемесінен мерзімінен бұрын шартты түрде шығарып бере аламын»-деп, өзінің мүмкіндіктеріне кірмейтін жалған ақпарат айтып 1 800 000 теңгесін жымқырған.
Сотталушы тарап жәбірленушіге келтірілген материалдық шығын қайтармаған.
Сот үкімімен сотталушы Н. ҚК-нің 190-бабы 1-бөлігінде көрсетілген қылмысты жасағаны үшін кінәлі деп танылып, оған осы баппен 1 (бір) жыл мерзімге бас бостандығынан айыру жазасы тағайындалды.
Үкім заңды күшіне енбеген.
