Шымкентте ұңғымалар жаңартылып жатыр. «Су ресурстары-Маркетинг» ЖШС ескірген су құбырларын ашып, өрт сөндіру гидрантын орнатуда. Сол арқылы қала қауіпсіздігін жақсарту қолға алынған. Биыл еңбекші ауданының өзінде 11 ұңғымаға жөндеу жұмысы жүргізіледі.
«Су ресурстары-Маркетинг» ЖШС су ұңғымаларын жаңғыртуды қолға алды. Ұңғымаларға өрт сөндіру гидранты орнатылуда. Басты мақсат кез келген оқыс оқиғаға дайын болу. Ол үшін Еңбекші ауданында диаметрі 300 миллиметрлі су құбыры желісіне жөндеу жүргізілді.
Мұрат Оспанов, Еңбекші аудандық су арнасының бастығы: «Жаңа технологияларды енгізу жоспарына сәйкес, біз ұңғыма типінсіз қақпа клапанын орнатамыз. Жұмыстар жүргізілгеннен кейін құдық толтырылады. Мұндай құрылғылар ұңғымаларға жыл сайынғы техникалық қызмет көрсетуді және әртүрлі техникалық жұмыстарды қажет етпейді. Осылайша, қала көшелерінің эстетикалық көрінісі де жақсарып, жаяу жүргіншілер үшін қауіп азаяды»
Қаладағы ұңғымалардың басым бөлігі ескірген. Тіпті, шағын аудандар құрылғалы бері ауыстырылмағандары бар. Сондықтан да қолға алынған жобаның маңызы зор. Қазір мамандар ескі цемент құбыр орнын алып, жаңасын кезең-кезеңімен орнатып келеді. Ол үшін шамамен жарты сағат уақыт кетеді.
Ержан Жанысбаев, Әл-Фараби аудандық су арнасының бастығы: «Қазіргі уақытта жоспарлы жұмыстар жүргізілуде. Ұңғыма типі жоқ гидранттарды орнату қоғамдық маңызы бар жерлерде және тұрғын алаптарда қолға алынады. Бұл өртке қарсы қызметкерлер гидранты бар құдықты іздеуге уақытты жоғалтпауы және өртті мүмкіндігінше тезірек сөндіруге кірісуі үшін жасалады. Бұл өрт сөндірушілерге де, бізге де ағымдағы қызмет көрсету үшін ыңғайлы, биыл біз әл-Фараби ауданының аумағында осындай 5 құрылғы орнатуды жоспарлап отырмыз»
Алдағы уақытта Әл Фараби ауданында 5 құрылғы ауыстырылса, Еңбекші ауданында 11 қондырғы орнатылмақ. Құрылыс жұмыстары қала тұрғындарына кедергі келтірместен,түнгі уақытта жүргізіледі. Сонымен қатар «Су ресурстары-Маркетинг» ЖШС еншісіндегі барлық ауданда желілер жаңарады.
