Елдегі жылу-электр орталықтарының қарызы 19 млрд теңгеден асқан.
Олар «ҚазТрансГаз-Аймақ» бен «Богатырь-Көмір» кәсіпорындарына берешек. Үкімет отырысында алдағы жылыту маусымына дайындық шаралары қаралды. Жиында жылыту маусымына қажетті отын қорын қамтамасыз етпеген өңірлер аталды. Ол Шығыс Қазақстан, Ақмола, Қарағанды мен Павлодар облыстары және Алматы қаласы.
Сонымен қатар ел бойынша 7,5 мың шақырым жылу құбырларын ауыстыру қажет. Ең жоғары тозу деңгейі Абай, Шығыс Қазақстан, Қарағанды, Павлодар және Солтүстік Қазақстан облыстарында. Биыл оларды жаңалау үшін 47 жобаны іске асыруға 69,4 млрд теңге бөлініп отыр.
