Түркістан облысының әкімі Дархан Сатыбалды өңірдегі өзекті мәселелері бар газ нысандарын жаппай тексеруді тапсырды. Жіберілген олқылықтарды шұғыл ретке келтіріп, бір айдың көлемінде халыққа газ беруді жүктеді.
Әртүрлі себептермен жылдар бойы іске қосылмай тұрған маңызды нысан жағдайымен танысқан аймақ басшысы осы уақытқа дейін олардың құжаты мен құрылысын созбалаңға салған атқамінерлердің сылбыр қимылын сынға алды. Сондай-ақ жауаптыларға мәселені шешуге бір ай уақыт берді.
Айта кетейік, әр нысан іске қосылғанда кемі 7 ауыл табиғи газбен қамтылады.
