Этносаябақтағы 700 түп «Эльдар» қарағайы қырқылады. Бұл туралы Шымкент қаласының қалалық жайлы ортаны дамыту басқармасының басшысы Ержан Жолдасов мәлім етті.
Саябаққа бұл ағаштың 5 мыңнан аса көшеті егілген еді. Қазір қылқан жапырақтыларға емдеу шаралары жүргізіліп жатыр. Мамандардың айтуынша көшеттің қабыршақтары жұқа болғандықтан суыққа төзбеген.
Сонымен қатар басқарма басшысы «Эльдар» қарағайы басқа өңірлерде де қурап жатқанын айтады. Еске сала кетейік, осыдан бірнеше күн бұрын дендро саябақтағы ерекше ағаштардың мәселесін көтерген болатынбыз.
