Шымкенттік түлектер ақпараттық білім беру орталығына 73 кітапты тарту етті. Шара А.Пушкин атындағы қалалық әмбебап кітапхананың «Алтын қорға үлес қос» жобасы аясында жүзеге асты.
Акцияға үшінші мегаполистегі № 59, 115, 53, 42, 47, 120, 26 – шы және Арыс қаласы Садықбек Адамбеков атындағы мектептің бітіруші түлектері қатысты. Олар мекемеге жастар арасында сұранысқа ие әдебиеттерді сыйға тартты. Айта кетейік, кітапханада балаларға арналған 529 әдеби кітап бар. Оның 389-ы мемлекеттік тілде.
