YURTA Dom брендімен жұмыс істейтін «ИВЦ» ЖШС компаниясы үй шаруашылықтары, басқару органдары (ПИК, МИБ, ҚС және т.б.) және қызмет көрсетушілер қосылған ТҮКШ қаржыны басқарудың Қазақстандағы жалғыз біріктірілген жүйесі 2,5 млн. астам үй шаруашылықтарының дербес шоттарының қажеттіліктерін өтей алды.
YURTA төлем жүйесі арқылы ТҮКШ қызметтері үшін төлемдердің жалпы жылдық айналымы 78 млрд. теңгені құрады, ал бірыңғай төлем құжаты нысанында 24 млрд. теңгеден асты. Сервис қызметін Алматы және Алматы облыстарында, елдің батысы мен шығысында белсенді қолданады. Бұл Қазақстандағы бірегей интеграцияланған сервис, ол 360° барлық қатысушылардың қажеттіліктерін жабады. Yurta Dom қызметтері елдегі үй шаруашылықтарын басқару нысандары төңірегіндегі қалыптасқан жағдайда, тұрғындар таңдаған үй шаруашылықтарын басқару нысанына қарамастан, жүйе барлық қызметтерді қарапайым, мобильді, тиімді және ашық алуға мүмкіндік беретін жағдайда ерекше өзекті болып табылады.
«ИВЦ» ЖШС-нің Бас директоры Балжан Туменбаева: «Yurta Dom платформасын меншік иелерінің, ТҮКШ басқару органдарының және қызмет көрсетушілердің тиімді өзара іс-қимылына арналған әлеуметтік желі ретінде сипаттауға болады. Оның тиімділігі мен оған деген қызығушылығы цифрлармен расталады. Сонымен, Yurta Dom сервистерін ай сайын пайдаланатын пайдаланушылар саны 2,5 млн. асады. 800-ден астам МИБ және ПИК, сондай-ақ 300-ден астам қызмет көрсетушілер бүкіл ел бойынша платформаға қосылды».
Қолданба тұрғындар мен меншік иелеріне ТҮКШ қызметтері үшін төлемдерін электрондық форматта бірыңғай төлем құжатымен басқаруға және олардың барлық шығындарын – жеке есептеу құралдарының (есептегіштердің) көрсеткіштерін бақылауға, барлық түбіртектер мен төлем тарихын көруге мүмкіндік береді – мұның бәрі пайдаланушыларға ыңғайлы болу үшін бір жерде жинақталған. Бұл жағдайда қолданбаның өзі есептегіштің көрсеткіштерін цифрландырады және оларды жүйеге енгізеді деп жоспарлануда.
Басқару органдары, мысалы, ПИК және МИБ, сонымен қатар Yurta abonent жеке кабинеті арқылы төлемдер мен есептегіштердің көрсеткіштері бойынша меншік иелерінің берешегін көреді. Жүйе ПИК/МИБ қызметтері үшін төлемдерді және тұрғын үйді күтіп-ұстауға арналған жинақтарды дербес автоматты түрде төлейтіні маңызды, бұл шоттардың жай-күйін бақылауға және қаржылық жоспарлауды жүзеге асыруға мүмкіндік береді.
ПИК және МИБ қолданба арқылы өздеріне қажетті кез келген қызмет түрлеріне: аумақты көгалдандыру, қоқысты шығару, аумақты жинау, күзету, бейнебақылау орнату және т.б. тендерлерді жариялауға және таңдаудың нақты критерийлеріне жауап беретін ең үздік қызмет көрсетушіні таңдауға мүмкіндік алады. Сонымен қатар, қолданбада жақын арада меншік иелерінің кез келген маңызды алқалы шешімі бойынша электрондық дауыс беру опциясы пайда болады – хаттамалар ПИК пен МИБ үшін де, үй шаруашылықтары үшін де онлайн көрсетіледі. Сонымен, күнделікті өмірде қажет тауарлар мен қызметтерді жеткізушілер, мысалы, жөндеу үшін, Yurta Market маркетплейсі арқылы көптеген үй шаруашылықтарына өз қызметтерін ұсынуға мүмкіндік алады. ТҮКШ-ны басқару оның барлық қатысушылары үшін ашық болады.
Yurta Dom – қызмет провайдерлері мен пайдаланушыларына жүйелік төлем шешімдерінің толық спектрін ұсынатын Yurta мульти-қолданбасының негізгі бағыттарының бірі. Жобаның тұжырымдамасының өзі бір қолданбаның шеңберінде пайдаланушыға оның қаржылық қажеттіліктерін толығымен жабатын шешімдерді ұсыну болып табылады. Сонымен, Yurta қолданбасын кез-келген iOS немесе Android құрылғысына жүктеу арқылы пайдаланушы қаржылық шешімдердің осы спектрін бір қолданбада алады.
Авторлық құқық обьектісіне құқықтарды мемлекеттік тіркеу туралы кәулік №2615
Министрдің орынбасары Е.Әзімовпен 12 желтоқсан 2016 жылы берілген
