Сарыағаш ауданында Ұлттық домбыра күніне орай еркін форматта «Домбыра Party» іс-шарасы өтті. Аталған шараның мақсаты – ұлттық домбыра аспабы мен ұлттық әндерді кеңінен насихаттау.
Ауданның 50-ден аса ерікті жастары «Алып» сауда орталығына жиналып, төл өнерімізді жұртшылыққа ұсынды. Мерекелік іс-шараға келген көрермендер жас өнерпаздардың күмбірлете тартқан күйін, нақышына келтіре орындаған термелері мен халық әңдерін тыңдап, домбыра үнінің құдіретін сезініп қайтты.
Аталған шараның ерекшелігі — кез келген домбырашы келіп өз өнерін ортаға салып, қалаған күйін орындайды.
