Түркістан облысында «Дарбаза» оқу полигонында механикаландырылған бригада бөлімшелерімен бөлімшелердің жауынгерлік атыстарын өткізу бойынша нұсқау-әдістемелік сабақтар өткізілді. Бұл тактикалық дайындықты оқытудың ең жоғары түрі және бөлімшенің жауынгерлік үйлесімдігі мен атыс жаттығуларының соңғы кезеңі. Сабаққа барлығы 200-ден астам әскери қызметші қатысты.
Сабақтың мақсаттарының бірі кіші командирлерге штаттық құралдармен және берілген бөлімшелермен жауынгерлік міндеттерді орындаудың жаңа тәсілдері туралы жеткізу, сондай-ақ бөлімшелердің жауынгерлік атысын жүргізу кезінде бөлімшелердің үйлесімділігін тексеру болды. Ол үшін шартты жаудың іс-әрекетін имитациялаудың әртүрлі құралдарын қолдана отырып, соғыс уақытына жақын күрделі жағдай жасалды. Рота командирлерінің басшылығымен штаттық бөлімшелер құрамында атыс, тактикалық, инженерлік даярлық, сондай-ақ РХБ қорғау бойынша нормативтері пысықталды.
Жауынгерлік атыстар басталар алдында бөлімше командирлерімен бөлімшелердің жауынгерлік атыстарын орындауды бірыңғай түсінуге жетелеу үшін нұсқау-әдістемелік сабақ өткізілді.
Полигонда сегіз оқу орны ұйымдастырылды. Офицерлер мен сержанттарға бөлімшелердің жауынгерлік атыстарын өткізудің әртүрлі кезеңдеріндегі міндеттері туралы нұсқаулық берілді. Офицерлер мен сержанттар жеке құраммен жұмыс істеу әдістерін қарастырып, заманауи қарулы қақтығыстардың тәжірибесін зерттеді.
— Сабақ барысында біз өзара іс-қимылды ұйымдастыру, жеке құрамды, әскери техника мен қару-жарақты дайындау мәселелерін пысықтауға ерекше назар аудардық. Кіші офицерлік буын командирлері жауынгерлік бұйрық алған сәттен бастап іс–қимыл алгоритмін дұрыс түсінуі, әрбір бағыныштының рөлін білуі тиіс, — деп атап өтті бөлім командирінің орынбасары подполковник Самат Қапашев.
Жауынгерлік атыс қорытындысы бойынша бөлім басшылығы мотоатқыштар бөлімшелерінің жеке құрамының іс-қимылдарына оң баға берді.
