17 шілде күні сағат 09:00 шамасында Бәйдібек АІБ-на Шаян ауылының маңында жол-көлік оқиғасы болғаны туралы хабарлама келіп түскен.
Облыстық маңызы бар Екпінді-Созақ тас жолы бойында Nissan, Toyota Camry және Volkswagen Grafter көліктері соқтығысқаны анықталды. Апат салдарынан көлік өртеніп кеткен.
Тоғыз адам оқиға орнында көз жұмды, 13 адам ауруханаға жеткізілді, екі адам медициналық көмек көрсетуден бас тартты.
Бұған дейін белгілі болғаны жол апаты Nissan көлігінің қарсы жолаққа шығып кетуі салдарынан орын алған. Қазір Түркістан облысының жол полициясы басқармасының басшылығы жол-көлік оқиғасы орнында жүр. Оқиғаның барлық мән-жайы анықталуда.
