Шымкентте кезекті бүйрек трансплантациясы сәтті аяқталды. №1 қалалық клиникалық аурухана базасында өткен ағза алмастыру отасын дәрігерлер екі кезеңмен жасады.
Білікті дәрігерлер командасы донордан бүйрек алып, кейін ағзаны рецепиентке хирургиялық жолмен салып берді.
Донор 1996 жылғы қала тұрғыны. Рецепиент 2001 жылғы, сырқатына байланысты 6 жылдан бері гемодиализ аппаратына тәуелді болған. Науқасқа туған ағасы бүйрегін берді. Операция сәтті өтті. Екі пациенттің отадан кейінгі жағдайы жақсы.
Дәрігерлер ағзасын берген донорды ауруханадан үйіне шығарды. Мұндай ота бүйрек жетіспеушілігімен есепте тұратын науқастардың сауығып кетуіне зор мүмкіндік береді дейді дәрігерлер.
