Жалақы өткен жылмен салыстырғанда біршама көтерілген

0
фото Егемен.кз

Баға шарықтағанымен, жұрттың табысы да артып келеді. Ұлттық статистика бюросының мәліметі бойынша, үшінші тоқсанда ел азаматтарының жалақысы өткен жылғы көрсеткішпен салыстырғанда 17 пайыздай көтерілген.

Атап айтсақ, шілде, тамыз және қыркүйек айларында ел бойынша орташа жалақы мөлшері 350 мың теңге болған. Ал өткен жылы үшінші тоқсанда ол 290 мың теңге еді. Ең көп жалақыны тау-кен өндірісі, қаржы және сақтандыру саласының қызметкерлері алады екен.