Шымкентте 5 құрылыс компаниясына 100 млн теңгеден астам айыппұл салынған. Олардың бірқатары бойынша іс-материалдары сотқа жолданыпты. Істерді қарау нәтижесімен бұл компаниялар жосықсыз мердігерлер тізіміне енетін болады.
Орталық коммуникациялар қызметі алаңында өткен брифингте осылай деген Шымкент әкімі Ғабит Сыздықбеков бүгінде 56 нысан сапасы жағынан талапқа сай келмейтінін алға тартты. Олардың қатарында Бозарық, Тұран, Сайрам шағынаудандарындағы тұрғын үй және әлеуметтік нысандар бар.
«Жақында ғана мен Сайрамдағы колледждің реконструкциялау жұмыстарымен таныстым. Мердігерге кемшіліктер туралы айтылды. Тіпті көзге анық көрініп тұрған қателіктер көрсетілді. Бұл әлеуметтік желілерде жарияланған болатын. Ол жұмыстар алдағы уақытта жасалатын болады»,-деді Шымкент әкімі.
