Шымкентте білім беру ұйымдары қашықтан оқыту режиміне ауысады. Оған ауа райының күрт суытып, нашарлауы себеп болып отыр.
Бұл туралы қалалық білім басқармасы мәлімдеді.
Ведомство мәліметінше, 13-15 желтоқсан күндері 0-11 сыныптар аралығындағы оқушылар қашықтан оқитын болады.
Айта кетейік, синоптиктердің болжауынша Шымкентте 13 желтоқсан күні -25 градусқа дейін аяз күтілуде. Ал 12-13 желтоқсан күндері қалада секундына 15-23 метрге дейін жететін жел болжануда.
