Түркістан облысындағы «Қазығұрт» кеден бекетінің лауазымды тұлғалары жүйелі түрде пара алды деген күдікке ілінді.
Тергеу жұмыстарын Сыбайлас жемқорлыққа қарсы іс-қимыл агенттігінің облыстық департаментіндегілер жүргізуде.
Ведомство мәліметінше, олар жүк көліктерін кеден бекеті арқылы кедергісіз өткізу үшін сыртқы экономикалық қызметке қатысушылардан 50-ден 200 мың теңгеге дейін пара алу деген күдікке ілініп отыр. Қазіргі таңда сотқа дейінгі тергеу жалғасуда.
ҚР ҚПК 201-бабына сәйкес, өзге ақпарат жариялауға жатпайды.
(Фото: Сыбайлас жемқорлыққа қарсы іс-қимыл агенттігінің Түркістан облыстық департаменті)
