Түркістанда бірнеше маңызды нысан бой көтеріп жатыр. Сондықтан облыс басшысы құрылыс жұмыстарымен танасып қайттты.
Бұл биыл ел игілігіне берілетін Достық үйінің құрылыс барысы. 4 қабаттан тұратын ғимараттың аумағы 4 мың шаршы шақырымды құрайды. Мұнда түрлі этнос өкілдерінің орталығы орналасады деп жоспарланған. Өңіріміз үшін маңызды нысан жұмысымен облыс басшысы арнайы барып танысып қайтты.
Ал «Turkestan-Arena» стадионында халықаралық талаптарға сай жылыту және су бұру жүйелері орнатылды. Бұған дейін нысан 12 мың адамға шақталса, қайта жөндеуден кейін тағы 5 мың орын қосылмақ. Сонымен қатар алаңға Испанияда өндірілген жасанды көгал төселді.
Сондай-ақ облыс әкімі жаңадан бой көтеріп жатқан тұрғын үй құрылысымен танысты. Қазір әкімшілік-іскерлік орталық аймағында 20 көпқабатты үй салынып жатыр. Оның жалпы ауданы 145 мың шаршы метрге жуықтайды. Жаңа нысан пайдалануға берілсе, 2 мыңнан астам отбасы баспаналы болады. Ал жыл соңына дейін 159 үй ел игілігіне беріледі.
