Шымкентте су жаңа «Gramad» супермаркеті ашылды. Жоғары сапалы өнім ұсынатын дүкен «Асар» ықшамауданында орналасқан. Мұнда сан түрлі азық-түлік түрін тиімді бағада сатып алуға болады. Онда қандай өнімдер бар?
Көңілді әуен, жарқын жүзді келушілер алдында «Gramad» дүкендер желісінің жаңа нүктесі ашылды. Мұнда күнделікті тұтынатын өнімнен бөлек, техникалық заттар да бар. Тіпті дүкен сөрелерінен әлеуметтік азық-түлік түрлерін арзандатылған бағада таба аласыз. Мәселен, мұнда тұз 42 теңге, бірінші сортты ұн 155 теңге, жарма да 215 теңгеден сатылуда.
«Супермаркет қаладағы ең арзан және өнімді тауарларды ұсынады. Супермаркетте 19 түрлі әлеуметтік тауар түрі бар. Өте сапалы, қолжетімді бағада. Науқан, жеңілдік болады. Біздің 24 дүкенге келіп алсаңыздар болады», — дейді «GRAMAD» дүкенінің директоры Бақдәулет Омаров.
Ал ет бөлімінде сиыр етінің келісін төмендетілген бағамен 2400 теңгеден сатып алуға мүмкіндік бар. Сонымен қатар келушілерге жаңа піскен нан өнімдерін ұсынатын жеке наубайханасы да жұмыс істеп тұр. Мамандар бұл қала тұрғындары үшін тиімді екенін айтады.
«Сауда желісі іске қосылды. Бұл жерде әдеуметтік маңызы бар тауарлары бекітілген бағада халыққа ұсынылады. Инвестиция көлемі 60 млн. теңге. 15 жаңа жұмыс орны ашылды. Осы маңдағы 12 мыңға жуық халыққа қызмет көрсетеді деген сеніміміз үлкен», — дейді Шымкент қаласы ауыл шаруашылығы және ветеринария басқармасы басшысының орынбасары Қайрат Базарбеков.
Айта кетейік, «Gramad» дүкендер желісінен қалтаға қонымды және сапалы өнімдерді таба аласыз. Қала тұрғындары үшін жайлы ортаны қалыптастыра білген супермаркеттің ұстанымы – тұтынушыларға тек жоғары сапалы қызмет ұсыну.
