«Азаматтарға арналған үкімет» Шымкент қаласы бойынша кезекші халыққа қызмет көрсету орталықтары жаңа мекенжай бойынша қабылдайтынын хабарлайды. Енді қызметалушылар Т. Рысқұлов көшесі, 80 мекенжайы бойынша қызмет ала алады.
Қаратау ауданының кезекші ХҚКО сағат 9:00-ден 20:00-ге дейін, ал сенбі күні 13:00-ге дейін жұмыс істейтін болады. Осы кесте бойынша Шымкент қаласында халыққа қызмет көрсетудің тағы бір кезекші орталығы жұмыс істейді. Ол Мадели Қожа көшесі, 1 «Г» мекенжайы бойынша орналасқан.
Қаланың қалған ХҚКО-лары әдеттегі кесте бойынша дүйсенбі мен жұма аралығында 09:00-ден 18:00-ге дейін жұмыс істейді.
Сонымен қатар, кезекші мамандандырылған ХҚКО азаматтарды 18:00-ге дейін қабылдайды. Ол Достық шағын ауданы 2343/1 мекенжайы бойынша орналасқан. Ал дайын құжаттарды беру 20:00-ге дейін жүзеге асырылады. Сенбі күні аталмыш мамандандырылған халыққа қызмет көрсету орталығының мамандары сағат 13:00-ге дейін жұмыс істейді.
