Түркістан облысы Полиция департаменті Жергілікті полиция қызметі басқармасы бастығының орынбасары Ерлан Асқаров БАҚ өкілдеріне «Пиротехника» іс-шарасы бойынша брифинг берді.
Іс-шараның 1-ші ескерту кезеңі 5 мен 12 желтоқсан күндері аралығында өткізілді.
Полиция департаментінің қызметкерлері облысымыздың қала, аудандарында орналасқан сауда орталықтары мен дүкендерге арнайы барып қағаз түрінде ескертпелер таратып шықты, — деп хабарлады спикер өз сөзінде.
Сонымен қатар осы профилактикалық шара нәтижесінде Түркістан қаласы – 22 дерек, Сарыағаш ауданы — 12 дерек, Мақтаарал және Келес – 7 деректен, Кентау қаласы және Түлкібас – 5 деректен, Сауран және Қазығұрт ауданы – 4 дерек, Отырар ауданы – 3 дерек, Арыс, Жетісай, Ордабасы, Сайрам және Шардара – 2 деректен, Бәйдібек, Созақ және Төлеби аудандарымен – 1 деректен анықталғанын да айта кеткен жөн.
Қәзіргі таңда қала, аудандық полиция құрылымдары азаматтар арасында пиротехникалық өнімді сату, пайдалану деректерін алдын алу бойынша рейдтік іс-шараларды күшейтті.
Өз кезегінде Ерлан Асқаров пиротехникалық бұйымдарды кәмелет жасқа толмағандарға сатудың жазасы бар екенін ескертті.
Өз қауіпсіздігіміз өзіміздің қолымызда. Сондықтан от шашудың қызығын тамашалаймыз деп, орны толмас өкінішке тап болмайық! Қауіпсіздігімізді бірге қорғайық!
