Шымкенттік шенеунік мүгедек балалардың ата-аналарынан пара алды деген айыппен сотқа берілді. Ол мүмкіндігі шектеулі балалардың ата-аналарынан мүгедектік топтарын белгілеу үшін 850 мың теңге алды деген күдікке ілінген. Мамандардың сөзінше, заңсыз жолмен берілген қаражат қалалық емханалардың бірінде жұмыс істейтін медбикенің көмегімен алынған болуы мүмкін.
Ысмайл Дінмұхамед, Шымкент қаласы прокуратурасының прокуроры: «Сыбайлас жемқорлыққа қарсы іс-қимыл агенттігінің Шымкент қаласы бойынша департаменті Мемлекеттік еңбек инспекциясы комитетінің қалалық департаменті бөлім басшысының міндетін атқарушыға қатысты сотқа дейінгі тергеп-тексеруді аяқтады. Қазіргі уақытта қала прокуратурасы айыпталушыларды сотқа берді»
