Түркістан қаласының патрульдік полиция қызметкерлерінен қызмет атқару кезінде Үндістан мемлекетінің азаматы көмек сұрап келді.
Яғни шетелдік ер адам Ресей еліне бару үшін автокөлік тауып беру туралы өтінішін білдірді. Тәртіп сақшылары аталған азаматтың діттеген жеріне аман-есен жетуі үшін көлік тауып беріп, жәрдем етті.
Өз кезегінде саяхатшы полиция қызметкерлеріне жедел әрекетіне риза болып, өз алғысын білдірді: «Мен халықаралық саяхатшымын. Есімім Will Shubham. Қазір мен Ресейге жол тартуым керек болып тұр. Осы ретте маған жол сілтеп, көмек көрсеткен Қазақстан полициясына рақмет!»-деді.
