Шымкенттегі 220 компания қызметкерлеріне міндетті жарналарды төлемеген. Тексеріс барысында 720 жұмыскердің зейнетақы қорына тиісті төлемдердің түспегені анықталды. Мұны қалалық прокуратура қызметкерлері мәлімдеп отыр.
Шымкент қаласының прокуратурасы: «Енгізілген қадағалау актісінің нәтижесінде қызметкерлердің құқықтары қалпына келтіріліп, жұмыс берушілер зейнетақы қорына 16 млн теңге жарналарын төледі»
Айта кетейік, 2024 жылдың 1 қаңтарынан бастап Әлеуметтік кодекстің жаңа ережелері қолданысқа енгізілді. Енді жұмыс берушілер қызметкер табысының 1,5 пайызын зейнетақы қорына қосымша төлеуге міндетті.
