«Asyl Auto» Шымкент қаласының тұрғындары мен қонақтарын қуантуды жалғастыруда! Дилерлік орталық қызметкерлері қаладағы бірнеше базарды аралап, сатушылар мен келушілерге мерекелік көңіл-күй сыйлады. Жаңа жыл қарсаңында сыйлықтар таратуды дәстүрге айналдырған орталық бұл жолы да шымкенттіктерді құр қол қалдырмады.
Әсем ән, көңілді өлең шумақтары, толассыз би мен мерекелік көңіл-күй! «Asyl Auto» ұжымы үшінші мегаполис тұрғындарын жаңа жылмен құттықтайды. Орталық ұйымдастырған мерекелік атмосфераны сезініп, өнерін көрсетіп, аяз ата мен ақша қардан сыйлық алған бақытты жандардың қатарында Дамира Қасымбек те бар. Ол дилерлік орталық ұжымына мерекелік ерекше көңіл-күй үшін алғысын айтады.
Дамира Қасымбек, Шымкент қаласының тұрғыны: «Барлықтарыңызды келе жатқан жаңа жылмен құттықтаймын! Баршамызға берекелі, табысты жыл болсын! Бүгін осындай күшті сыйлық алдым, жаңа жылдың атмосферасын сезіндік! Рахмет баршаңызға»
«Asyl Auto» дилерлік орталығы жаңа жыл қарсаңында қала тұрғындарын қуантуды дәстүрге айналдырған. Жыл сайын халық көп жүретін базарларды аралап, сыйлық таратады. Биыл да 300-ден астам жанға мерекелік сый тарту етті.
Еркөбек Тапай, «Asyl Auto» дилерлік орталығының аға менеджері: «Жаңа жылға орай өзіміздің клиенттерімізді, қала тұрғындарын құттықтап жүрміз. 300-ден астам сыйлықтарымыз бар. Тақпақ, өлең, тілек айтқандарға таратып жатырмыз. Жыл сайын дәстүріміз бар бізде. Адамдарды қуантамыз, жаңа жылдық көңіл-күй сыйлаймыз. Жылда осылай базарларды аралап, жаңа жылдық көңіл-күй сыйлаймыз».
Айта кетейік, «Asyl Auto» дилерлік орталығында жылдың басты мерекесі жаңа жылға орай жеңілдіктер қарастырылған. Мерекелік жеңілдіктерден сіз де құр қалмаңыз! «Asyl Auto» автосалоны сіздерді Ұ.Арғынбеков көшесі 100 және Тұран 660/1а мекен жайында күтеді.
