Жаңа жылдық тосынсыйлар толастар емес. Тәп-тәтті сыйлықты тәртіп сақшысының қолынан алу тіптен таң қалдырса керек.

Түркістан облысына қарасты Сайрам ауданының тәртіп сақшылары жүргізушілерді жаңа жыл мерекесімен құттықтап, оларға тәтті ұсынды.

Полицейлер автокөлік жүргізушілерімен қатар аудан тұрғындарына ерекше тосын сый жасап, өздерінің жылы лебіздерін білдірді. Формадағы полицейлер жүргізушіге тоқтауды ишарат еткенде кім де болса тіксініп қалары анық. «Жол ережесін бұздым ба?», — деп ойлауы да кәдік. Ал тәртіп сақшысы тәп — тәтті «Қазақстан» шоколадын ұсынып, ақ жол тілегенде жүргізушілердің езулері екі құлағына жетті. Сайрамдық сақшылардың тосынсыйы расында талайларды таңқалдырды. «Кімнің идеясы болса да керемет екен», — деп, қолдау білдіріп жатқандардың қатары қалың.