Түркістан қаласының патрульдік полиция батальон басшылығы жергілікті мопед жүргізушілерімен кездесті. Оларды алдағы уақытта мопед жүргізу үшін алдын ала тіркеуден өтуге шақырды. Ал егер жүргізуші куәлігі жоқ болған жағдайда, автокөлік мектептерінде оқуға кеңес берді.
Жалпы жыл басынан бері патрульдік полицейлер скутер мен мопед жүргізушілерінің 26 заң бұзушылығын анықтап, айыптұраққа кіргізген. Сонымен қатар скутер мен мопед тізгіндегені үшін 21 жасөспірімнің ата-анасын әкімшілік жауапкершілікке тартқан.
Айта кетейік, 5 сәуірге дейін мопед тіркелмесе және жүргізуші куәлігі болмаса, мұндай көлік құралдарын пайдалану заңсыз деп танылады.
Осы ретте Түркістан қаласында соңғы бір апта ішінде 8 мопед тіркеуге алынды. Мопед жүргізушілерінің басым бөлігі қазіргі таңда жеткізу қызметінде жұмыс істейді.
