Қазақстанда қыздардың сусынына есірткі араластыратын жағдайлар жиілеп кетті. Мұндай қылмыстың құрбандары дәрменсіз күйде болады. Сондықтан мамандар, белгілі бір орындарға барған кезде сусындарды қараусыз қалдырмауға, бейтаныс адамдардан тәттілерді қабылдамауға және қажет болған жағдайда жедел тестілерді қолдануға кеңес береді.
Бар немесе клубтағы көңілді кеш қиын жағдайға ұшыратуы мүмкін. Құқық қорғау органдары елде мұндай жағдайлардың саны артып келе жатыр дейді. Ал құрбандардың ұрлық, зорлық-зомбылық және басқа да қылмыстарға тап болу қаупі жоғары. Егер осындай оқиғаның құрбаны болсаңыз, дереу полицияға хабарласу маңызды екенін ескеру қажет.
Рүстем Ғасизов, Астана қаласы ПД есірткі қылмысына қарсы іс-қимыл басқармасының бастығы: «Адам медициналық тексеруден өтуі керек және оның қанында тыйым салынған заттар бар екенін растау қажет, сонда біз тергеу жүргіземіз. Егер біз адам бірдеңе араластырғанын дәлелдесек, бұл есірткі заттарын қолдануға итермелеу ретінде қарастырылады. Бұл 299-бап, оның жаза мерзімі 10 жылға дейін бас бостандығынан айыру«.
Қылмысты тергеу үшін бақылау камераларындағы жазбалар немесе куәгерлердің айғақтары маңызды. Бұл ретте өтініш берушінің өзі жауапқа тартылмайды және көмек сұраудан қорықпау керек, дейді құқық қорғау органы өкілдері. Ал бармендер сусындарды бергені үшін ғана жауап береді.
Мәди Төреғожин, бармен: «Біз ресми өкілдермен жұмыс істейміз, барлық ресми құжаттар бар. Алкогольді ішімдіктерді беру кезінде біз өзіміз жауап береміз, классикалық рецепттерді ұстанамыз«.
Дәрігерлер симптомдар қатарында қарсыласу қабілетінің бұзылуы және есте сақтау қабілетінің жоғалуы бар дейді. Өзіңізді қорғау үшін полиция сусынның құрамында бір минуттың ішінде есірткінің бар-жоғын анықтайтын жедел тестілерді қолдануды ұсынады. Олар дәріханаларда 1000 теңгеден бастап сатылады және өзіңіз бен жақындарыңыз қорғаудың қарапайым, бірақ тиімді әдісі бола алады.
