Қазақстандықтар интернет сапасына наразы! Тарифтердің тұрақты өсуіне қарамастан, көптеген адам жылдамдықтың төмен болуына, байланыстың үзілуіне және желінің тұрақсыз жұмысына шағымдануда. Халықаралық рейтингте Қазақстан интернет жылдамдығы бойынша соңғы орындардың бірін алады. Көрсеткіш тіпті көрші елдерден де төмен.
Видеожазбалар қатып қалады, аудиофайлдар жүктелмейді және фотосурет жіберу сынаққа айналды. Тарифтердің тұрақты өсуіне қарамастан, қазақстандықтар интернеттің сапасына шағымдануда.
Ranking сарапшыларының дерегі бойынша, Қазақстан өткен жылдың қорытындысы бойынша тіркелген интернет жылдамдығының әлемдік рейтингінде 88-ші орын иеленді. Бұл ең нашар нәтижелердің бірі, республика интернет жылдамдығы ең төмен 35 елдің қатарында. Қазақстан ТМД-ның көптеген елдерінен ғана емес, жақын көршілерден де артта қалды.
Қазақстан байланыс операторларының қауымдастықтары мұндай рейтингтер нақты көріністі көрсетпейді деп есептейді. Сөздерінше, интернеттің төмен жылдамдығы мәселесі көбінесе ескірген Wi-Fi роутері мен оны дұрыс орнатпауға байланысты туындайды.
Олег Емельянов, «Қазақстан байланыс операторларының қауымдастығы» ЗТБ президенті: «Неліктен жылдамдық нашар? Шын мәнінде, екі нәрсеге байланысты, біріншісі ол — ескірген вайфай роутер. Кез — келген оператор кез — келген жылдамдықты ұсына алады. Бірақ роутер бұл жерде ерекше рөл ойнайды. Біз соны естен шығарып жатамыз».
Мобильді интернетке келетін болсақ, сарапшылардың пікірінше, радиофобтар кінәлі болуы мүмкін. Зиянды сәулеленуден қорқып, олар байланыс сапасына тікелей әсер ететін базалық станцияларды орнатуға қарсы.
Олег Емельянов, «Қазақстан байланыс операторларының қауымдастығы» ЗТБ президенті: «Көбінесе базалық станциялар жетіспейді. Мәселе мынада, оларды орнатуға рұқсат етілмейді. Тұрғындар келіспейді, бізде радиофобия проблемалары бар. Адамдар «бізге ештеңе керек емес»дейді. Мұндай парадоксалды жағдай адамдар базалық станцияны орнатқысы келмейді, бірақ жақсы интернетті сұрайды».
Монополияға қарсы органдар байланыс операторлары тарапынан бұзушылықтарды анықтауда. Өткен жылы тарифтердің келісілген өсуіне күдік туғызғандықтан ауқымды тергеу басталды, бірнеше компания қоңыраулардың бірдей құнын белгіледі.
Дегенмен, қазақстандықтар интернет үшін Израиль, Италия, Франция, Үндістан, тіпті көрші Қырғызстан сияқты инфрақұрылымы дамыған көптеген елдердің тұрғындарына қарағанда көбірек төлеуді жалғастыруда. Негізгі себептердің бірі — Қазақстандағы ұялы байланыс нарығын нақты монополиялау.
