Отырар ауданының әкімі Қайрат Жолдыбайұлының төрағалығымен кезекті аппарат мәжілісі өтті. Жиынға аудан әкімінің орынбасарлары, ауыл округтерінің әкімдері, дербес бөлімдер мен мекеме басшылары қатысты.
Мәжілістің күн тәртібіндегі бірінші мәселе 2025 жылғы І тоқсан қорытындысымен ауданның әлеуметтік-экономикалық көрсеткіштерінің орындалуы мен жергілікті бюджет қаражатының жоспары мен болжамды атқарылуы туралы аудандық экономика және қаржы бөлімінің басшысы Асқар Көлбай баяндаса, екінші мәселе Әз-Наурыз мерекесіне дайындық шаралары туралы аудан әкімінің орынбасары Айдос Құлмаханов хабарлама жасады.
Аудан әкімі мәжілісте көтерілген әрбір мәселелер бойынша тиянақты жұмыстар жүргізу керектігін жеткізді. Сондай-ақ, индикаторға жауапты салалық бөлім басшыларына 2025 жылдың І тоқсан қорытындысымен экономикалық көрсеткіштердің жоғарғы өсім деңгейі мен жоспардың сапалы орындалуын қамтамасыз ету мақсатында қажетті шараларды қабылдауды, тиісті есептіліктердің орындалуын статистика органына мерзімінде тапсырылуын жүктеді.
