Шымкент қаласының мамандырылған ауданаралық экономикалық соты Шымкент қаласы әкімінің жауапкерлер «Қазақстан Республикасы Қаржы министрлігі Мемлекеттік мүлік және жекешелендіру комитетінің Түркістан мемлекеттік мүлік және жекешелендіру департаменті» ММ-не, «Су ресурстары-Маркетинг» ЖШС-не аукцион хаттамалары мен сатып алу-сату шарттарын жарамсыз деп тану туралы талап қоюы бойынша істі қарады.
Шымкент қаласы әкімінің бес шешімі негізінде, Шымкент қаласының сумен жабдықтау және су бұру нысандары жекешелендіруге берілген. Атап айтқанда, «Ақбай-Қарасай» су алу құрылысының аяқталмаған құрылысы, «Бадам-Сайрам» су алу кәсіпорны, «Қызыл-Сай» су алу кәсіпорны, «Тассай» су алу кәсіпорны, «Транс-Вик» (автокөлік цехы) және «Уникан-сервис» кәсіпорны.
Жоғарыда көрсетілген кәсіпорындар жекешелендіру аясында аукциондар арқылы сатылған және олар бойынша алты хаттама жасалған. Аукцион жеңімпаздарымен Түркістан мемлекеттік мүлік және жекешелендіру департаментімен сатып алу-сату келісім шарттары жасалған.
Сот талап қоюды қанағаттандырып аукцион хаттамалары мен сатып алу-сату шарттарын жарамсыз деп таныды, тараптар жекешелендіру нысандарын меншік иесіне қайтаруды, «Су ресурстары-Маркетинг» ЖШС-не міндеттеу арқылы бастапқы қалпына келтірілді.
Шешім заңды күшіне енген жоқ.
