Шымкент қаласының жеңілдікке ие санаттағы тұрғындары қоғамдық көлікте тегін жол жүру құқығын онлайн рәсімдей алады. jenil.avtobys.kz сайты арқылы бірнеше минут ішінде виртуалды жеңілдігі бар тарифке (студенттік, оқушы немесе әлеуметтік) өтінім беруге болады.
Онлайн рәсімдеуден кейін жеңілдікпен жол жүру Avtobys мобильді қосымшасында тегін қолжетімді болады. Жеңілдік смартфонға тіркеледі, бұл тіркеу процесін жылдам және ыңғайлы етіп, пайдаланушылардың уақытын үнемдейді.
Виртуалды жеңілдігі бар тарифті қалай рәсімдеуге болады?
1. Avtobys қосымшасын жүктеп алып, орнатыңыз (App Store және Google Play-де қолжетімді).
2. Қосымшада телефон нөміріңіз арқылы тіркеліңіз (жеңілдік осы нөмірге тіркеледі).
3. jenil.avtobys.kz сайтына кіріңіз.
4. «Өтінім беру» батырмасын басыңыз.
5. «Өтінімді рәсімдеу» бөлімінде:
● ЖСН енгізіңіз;
● қаланы таңдаңыз;
● тарифті таңдаңыз;
● Avtobys-қа тіркелген телефон нөмірін енгізіңіз (жеңілдік осы нөмірге бекітіледі);
● «Әрі қарай» батырмасын басыңыз.
6. Аты-жөніңізді, туған күніңізді, электрондық поштаңызды енгізіңіз.
7. Жеңілдік санатын растайтын қажетті құжаттарды жүктеңіз.
8. «Өтінімді жіберу» батырмасын екі рет басыңыз.
9. Өтінім мақұлданғанын күтіңіз. Электрондық поштаңызға расталғаны немесе қателер мен құжаттардың сәйкес келмеуі анықталған жағдайда, қабылданбағаны туралы хабарлама келеді.
10. Өтінім мақұлданғаннан кейін жеңілдік автоматты түрде смартфоныңызға тіркеледі және Avtobys қосымшасында қолжетімді болады.
Бұрын жеңілдікпен жол жүруді рәсімдеу үшін кеңсеге барып, пластик картаны алу қажет болатын.
Avtobys қосымшасы қазір Шымкент қаласында толық жұмыс істеп тұр және келесі мүмкіндіктерді ұсынады:
● Жол ақысын ыңғайлы тәсілмен қосымша арқылы төлеу.
● Автобус бағыттарын нақты уақыт режимінде қадағалау.
● Электронды әмиян – түрлі қызметтерді төлеу және ақша аудару мүмкіндігі.
Avtobys көмегімен қоғамдық көлікпен жол жүру ыңғайлы және технологиялық жағынан да қолайлы. Қосымшаны iOS және Android платформаларынан жүктеуге болады.
