Түркістан облысының аумағында кәмелетке толмағандар арасындағы құқық бұзушылықтардың алдын алуға және түнгі уақытта ересектердің еріп жүруінсіз үйден тыс жерде болған жасөспірімдерді анықтауға бағытталған жедел-профилактикалық іс-шара өткізіліп, 1 тәулікте 273 әкімшілік құқық бұзушылық анықталды.
Оның ішінде полицейлер ата-аналардың бала тәрбиесі жөніндегі міндеттерді тиісінше орындамауының 22 фактісін анықтады. Кешкі сағат 22:00-ден кейін кәмелетке толмағандардың ойын-сауық орындарында болуына жол берген 8 мекеменің иесі жауапкершілікке тартылды. Сондай-ақ, түнгі сағат 22:00-ден кейін ойын-сауық орындарында болған 14 кәмелетке толмаған мен сағат 23:00-ден кейін заңды өкілдерінің еріп жүруінсіз үйден тыс жерде жүрген 209 жасөспірім анықталды. Профилактикалық есепке 36 кәмелетке толмаған алынды, оның 21-і құқық бұзушылыққа бейім жасөспірім болса, 15-і қолайсыз отбасы.
Сонымен қатар тәртіп сақшылары студенттермен және оқушылармен кәмелетке толмағандар арасындағы құқық бұзушылықтардың алдын алу, оның ішінде есірткі мен психотроптық заттарды қолданудың зияны туралы түсіндірме жұмыстарын жүргізді.
