BI Group девелоперлік холдингі Шымкентте жаңа тұрғын үй жобасы — Avenue 32 құрылысын бастады. Бұл қаладағы ең биік және алғашқы сейсмоқорғау жүйесі қолданылатын тұрғын үй кешені болмақ.
Avenue 32 кешені 23 және 26 қабатты екі мұнарадан тұрады. Сондай-ақ, тұрғындарға арналған екі деңгейлі жерасты автотұрағы және коммерциялық нысандар қарастырылған. Дегенмен, жобаның басты ерекшелігі — қауіпсіздікке бағытталған инженерлік шешімдер.
Ғимараттардың іргетасына Германияның MAURER SE компаниясының SIP-D сейсмоизоляторлары орнатылады. Бұл құрылғылар жер сілкінісі кезінде ғимаратты топырақтағы қозғалыстардан «бөліп», үйлердің «қалқып» тұруына мүмкіндік береді. Нәтижесінде, соққылар сөндіріліп, үй бастапқы орнына оралады.
Бұл сейсмоизоляторлар 2025 жылғы маусым айында Италияның Павия қаласындағы EUCENTRE зертханасында сыналды. Сынақтарда құрылғыларға 1200 кН дейінгі вертикалды жүктеме және ±250 мм амплитудасымен циклдік қозғалыстар жасалып, олардың халықаралық стандарттарға толық сәйкес келетіні дәлелденді.
«Бұл жоба — Шымкенттегі ғана емес, жалпы Қазақстандағы сейсмоқорғау жүйесін дамытудың маңызды қадамы. Біздің мақсатымыз — тек әдемі ғимараттар салу емес, ең алдымен тұрғындардың қауіпсіздігін қамтамасыз ету. MAURER SE компаниясының сейсмоизоляторлары бүкіл әлемде өз тиімділігін дәлелдеді. Италиядағы сынақтарда құрылғылар ауыр жүктемелер мен үлкен жылжуларға төтеп беріп, жобалық шешімдердің дұрыстығын растады. Мұндай технологиялар үйлердің ұзақ қызмет етуін, төтенше жағдайлар кезінде зақымданудың азаюын және тұрғындардың қорқынышын азайтуды қамтамасыз етеді. Avenue 32 арқылы біз сапалы, қауіпсіз және ұзақмерзімді өмір сүру мәдениетін қалыптастырамыз», — деді жобаның жетекшісі Нұрлан Ершохаев.
Инженерлік есептер сейсмоизоляторлардың жер сілкінісі кезінде құрылысқа берілетін үдеуді 60–70 %-ға дейін азайта алатынын көрсетеді.
Айта кету керек, мұндай технология Жапонияда мектептер мен ауруханаларда міндетті түрде қолданылады, АҚШ-тың Калифорния штатында FEMA ұйымы ұсынады, ал Түркияда 10 қабаттан жоғары үйлерге сертификатталуы қажет. Қазақстанда бұл әдіс енді ғана енгізіліп жатыр, сондықтан Avenue 32 жобасы елдегі құрылыс қауіпсіздігінің жаңа кезеңін көрсетіп отыр.
BI Group алдағы уақытта осы технологияны елдің басқа да сейсмикалық қауіпті аймақтарында қолдануды жоспарлап отыр.
BI Group — Қазақстандағы ең ірі құрылыс және девелопмент холдингі. Компания 25 жылдан астам уақыт бойы тұрғын үй және инфрақұрылымдық жобаларды жүзеге асырып келеді. BI Group қауіпсіздік пен сапаны арттыруға бағытталған заманауи инженерлік шешімдерді тұрақты түрде енгізуде.
Бұл тұрғын үй кешені бойынша үлескерлердің ақшасын тартуға 71 19.12.2024 рұқсат алынды. Уәкілетті компания: «VASCO Qazaqstan» ЖШС, құрылыс салушы: «BI Development Almaty» ЖШС.
Бұл жарнама, ҚР АК 395-бабына сәйкес, жария оферта болып табылмайды.
