Шымкентте мұнай өңдеу зауытында жазатайым оқиға болып, екі жұмысшы мерт болды. Оқиға зауыттың тауар-шикізат цехында болған. Полиция адам өліміне әкеп соққан еңбектi қорғау қағидаларын бұзу жайты бойынша қылмыстық іс қозғады.
Шымкент мұнай өңдеу зауытының кеңшарында екі жұмысшы қаза болды. Қайғылы оқиға 26 тамыз күні түсте болған. Бұл туралы PetroCouncil Қазақстанның мұнай-газ ассоцияциясы хабарлады.
«Жеңіл көтергіштің салдарынан мердігер «КапРемСтрой Астана» жауапкершілігі шектеулі серіктестігінің екі оқшаулағыш маманы қаза тапты. Оқиғаның мән-жайы анықталуда»
PetroCouncil Қазақстанның мұнай-газ ассоцияциясы
Мемлекеттік еңбек инспекциясы комитеті Шымкент қаласы бойынша департаментінің дерегінше, оқиға зауыттың тауар-шикізат цехында болған. Автокөтергіш техникасымен биікте жұмыс істеп жатқан 62 және 52 жастағы жұмысшы жазатайым жағдайда мерт болған. Жұмыс кезінде техника аударылып кеткен.
«Қазіргі таңда төтенше жағдайлар департаментінің мамандарының қатысуымен арнайы тергеп-тексеру комиссиясын құру жұмыстары жүргізілуде. Арнайы тергеп-тексеру барысында жазатайым жағдайдың мән-жайы мен себептері анықталып ресми акт түзілетін болады»
Мемлекеттік еңбек инспекциясы комитеті Шымкент қаласы бойынша департаменті
Ал қалалық полиция департаменті адам өліміне әкеп соққан еңбектi қорғау қағидаларын бұзу жайты бойынша қылмыстық іс қозғалғанын хабарлады. Тергеп-тексеру амалдары басталған.
Дилара Иса
