Шымкентте қазақ блогшылары бас қосты. 3-ші рет ұйымдастырылған блогқұрылтайға 186 адам келді.
Шымкентте қазақ блогшылары бас қосты. 3-ші рет ұйымдастырылған блогқұрылтайға 186 адам келді.Екі күнге созылған іс-шарада қазақ сайттарындағы веб-дизайн және функционал мәселесі, контент мәселесі, сайтпен ақша табу және блог жүргізудегі шетел тәжірбиесі мәселелері талқыланды.Стартаптар конкурсында 17 жоба таныстырылды. Жеңімпаздарды қатысушылар жасырын дауыс беру арқылы анықтады.Сонымен «Beeline» компаниясы тағайындаған 100 000 теңге ҚазҰУ студенттері Амангелді Сейітхан мен Асқар Хамиденовке бұйырды. Олар дәстүрлі әндерді насихаттайтын сайт ашпақшы.Алматылық Елдар Құдайбергеновтің http://tumble.kz/ сайты да үздік шықтыАтыраудан келген Алтынай Серікбай да (http://talgam.kz/) жеңімпаз атанды. Ол 4,5-ші орын алған жобаға «AppleSin» компаниясы сайтты тегін жасап беретін болды.Блогқұрылтайға вице-министр Мұрат Әбенов арнайы қатысып, блогшыларды мазалаған біраз сұраққа жауап берді.Екінші күнгі іс-шара Шымкент қаласынан 50 км жерде орналасқан «Бәйшешек» демалыс орнында жалғасты.Блогшылар кешкісін алаудың басында жиналып «Домбыра-пати» ұйымдастырды. Спорттық жарыстардан сынға түсті. Қазақтың «Ұйқыашар» мен «Селтеткізер» дәстүрін жаңғыртты. Жеңімпаздар демеуші компаниялар ұсынған түрлі бағалы сыйлықтармен марапатталды.
