ОҚО, Бәйдібек аудындағы қар құрсауында қалған жүз шақты адам құтқарылды.
Сейсенбі күні кешқұрым құтқарушыларға келіп түскен хабарда Шаян-Шолаққорған-Шаян автожолында қатты тұрған желдің кесірінен тас жолда қалып кеткен азаматтар туралы айтылған. Анық болғандай, қар құрсауында 32 жеңіл автокөлік адамдарымен жолда қалған. Оларды құтқаруға төтенше жағдайлар департаментінен арнайы жасақ жіберіледі.
Жолда тұрып жаурап қалғандар саны 102 адам екен. Олардың барлығын Шақпақ ауылдық ауруханасына жеткізген. Ауа-райының қолайсыздығына байланысты Шаян-Шолаққорған-Шаян тасжолы уақытша жабылды. Ал жолды қардан тазалау жұмыстары жалғасуда.
