Шымкенттіктер Лоyдон Олимпиадасына тағы бір жолдама жеңіп алды. Бокстан Астанада өтіп жатқан олимпиадалық іріктеу сынының финалдық кездесулері басталды. 49 келі салмақта Біржан Жақыпов жапондық Науоя Инауомен жұдырықтасып, 16:12 есебімен жеңіске жетті. Сөйтіп, енді Ұлыбританияның төрінде шымкенттік Біржан да ептілігін сынға салатын болады.
Алғашқы кездесуінде Біржан Пәкістан боксшысын ойсырата жеңіп, енді сәуірдің 11-күні жартылай финалда Захид Заировпен кездесіп, қарсыласынан бұл жолы да басым болды.
