Алматы қаласында аптаның 7 күнінде тәулік бойы қызмет көрсететін «MGM-STAN» диагностикалық орталығы бүгін Шымкент қаласында да өз филиалын ашып, Оңтүстік өңірдің халқын қуанышқа бөлеп отыр. Аталмыш диагностикалық орталық медицина саласындағы инновациялық аппараттардың көмегімен және білікті мамандардың, әлеуметтік салада сапалы қызмет көрсетумен ерекшеленеді. Салтанатты ашылу рәсіміне ақ иық ақын жырдан шашу шашты.
Орталықтың құрылтайшылары — Түркия мемлекетінің танымал МГМ /MGM/ компаниясы және Қазақстанның Стан холдинг компаниялары.
Бүгінгі салтанатты шарада өнер жұлдыздарды ән-жырмен әрлесе, ел ағалары ақ баталарын берісті.
Диагностикалық орталықта соңғы үлгіде жабдықталған бар. Оған қоса орталықта шетелдік білікті рентгентолог дәрігерлердің телемедицина, яғни онлайн жүйесі арқылы кеңес беру мүмкіндіктері жан-жақты қарастырылған.
Айтып өтер бір жайт, 2011 жылы «MGM-STAN» диагностикалық орталығыСарыағаш қаласында филиалын ашып, ел игілігіне ұсынған болатын. Бүгінде облыс орталығынан шалғай жатқан елді-мекендердің тұрғындары сол Сарығаш қаласындағы орталықтың қызметін пайдалануда.
Серік Айтқожин, «MGM-STAN» диагностикалық орталығы Алматы қаласындағы филиалының директоры: «Мұнда МРТ 1.5 тесла (Магнитті-резонансты томограф), КТ-Компьютерлік томограф, Ультра дыбыстық зерттеуден өте аласыздар. Бұл заманауи жаңа техника түрі, ол қауіпсіз, сәулесіз, анық және жылдам түрде қорытынды беретін құрылғы.Яғни, сырқаттың салдарын қауіпсіз жағдайда дәл анықтап беретін, осынау медициналық өзгеше құралдың зерттеген көрсеткіштерін экран арқылы шығып, диагностиканы жаңылыспай қоюдағы табылған әдіс болып саналады. Бұл сүйек тіндерінің массалық сандарын бақылап, бағалауда теңдесі жоқ жетістік ретінде өндіріске енгізілген Денситометрде бар. Механикалық жағдайға сүйектердің шыдамдылығының қай дәрежеде екенін анықтауға, сонымен қатар Остеопороз ауруын анықтауға зор мүмкіндік туғызады».
Осы айтылған қызметтердің барлығын диагностика орталығынан таба аласыз. Сондықтан анық қорытынды қойдырып, сырқатыңыздың шығу себебін тереңірек білгіңіз келсе «MGM-STAN» орталығына келіңіз. Дертіңізге шипа болсын!
Халықтың денсаулығына өз үлестерін қосып, ел игілігі үшін аянбай тер төгіп жүрген ел ағаларына, орталықтың маман-кадрларына айтар алғысымыз да шексіз болмақ.
[youtube]https://www.youtube.com/watch?v=wVBEE0vl0bM[/youtube]
