Шымкенте жолаушылар тасымалымен айналысатын қоғамдық көліктер жиі қақтығысатын болды. Басты себеп пайда табу көзін ойлаған тәжрибесіз жүргізушілер доңғалақтарын қыс маусымына алмастырмайды.
Бүгін Шымкентте 4 бірдей көлік соқтығысты. Зардап шеккен адамдар бар. 6 жан түрлі дәрежедегі жарақатымен шұғыл ауруханаға жеткізілді. Апатқа қатысы бар көліктердің екеуі жеңіл, екеуі жолаушылар тасымалдайтын автобустар. Тәшенов көшесінде орын алған жол апатына көлік доңғалақтарының қысқы маусымға сай ауыстырылмауы себеп болуы мүмкін. Өйткені Шымкенттік жүргізушілер қалта қамын ойлап, жазғысымен жүре беруді әдетке айналдырып алған. Соған қарамастан көлік иесі кінәсін мойындамай отыр.
Оқиға орнына жол полициясының қызметкерлері де шұғыл жетті. Мамандар алдағы уақытта жол апатына кімнің кінәлі екенін анықтайтын болады. Дәл осы сағаттарда Иляев және Ақпан батыр көшелерінің қилысында да жол апаты орын алды.
[youtube]http://www.youtube.com/watch?v=j9_ESGUdGUE[/youtube]
