ОҚО құрылыс басқармасы бастығының орынбасары 6 млн теңге көлемінде пара алды деген күдік бар.
Бұл ақпаратты республикалық экономикалық және сыбайлас жемқорлықпен күрес агенттігінің баспасөз қызметі таратты. Қаржы полициясы басқарма бастығының орынбасары Альмира Орманчинаның үстінен мамырдың 23-іне қылмыстық іс қозғаған.
Шенеунікке 24 сәуір мен 3 мамыр аралығында тұтыну кооперативі төрағасынан үш емхана және 1 мектептің құрылысына қажетті жобалау-сметалық құжаттарын мемлекеттік сатып алу конкурсына даярлап, ұтқызу үшін қомақты қаржы бопсалаған деген күдікпен айыпталып отыр.
Қазір оған қатысты бұлтартпау шарасын тағайындау мәселесі қаралып жатыр.
