Жастар елдің болашағы. Есті ұрпақты тәрбиелеуге атсалысып жүрген жандардың бірі Илья Ильин «Отырар» телеарнасына келіп, тікелей эфирде жанкүйерлерімен жүздесті.
Арнаға алғаш келген чемпионды телеарна қызметкерлері қарсы алып, естелікке суретке түсті. Шымкентке келудегі мақсатымен таныстырып, нашақорлыққа қарсы күнін шым шаһардың жастарымен бірге атап өтуге келгенін қуанышпен жеткізді.
Өзінің замандастырмен кейінгі толқынды бос уақытын тиімді пайдалануға шақырып, елдің ертеңін кемелдендіретін есті ұрпақ болуға кеңес берді.
Айта өтейік, бүгін 26-маусым күні қаламыздағы «Шәмші» әлемі аллеясында өтетін «Нашақорлыққа қарсымыз» акциясына шақырамыз. Кеште толағайларыңызбен қатар, қазақ эстрадасының жұлдыздары өнер көрсетеді.
Илья Александрович Ильин 1988 жылы, 24-мамырда Қызылорда облысында дүниеге келген. Ауыр атлет Қазақстандық тұңғыш олимпиада ойындарының екі дүркін чемпионы, әлемнің үш дүркін чемпионы және Қазақстан чемпионы. Қазақстанның еңбек сіңірген спорт шебері. «Динамо» спорт клубының құрамында өнер көрсетеді. Қазақстан Республикасы Ұлттық қауіпсіздік комитеті Шекара қызметінің аға лейтенанты.
Илья Ильин отбасында үш ұл баланың кенжесі. Спорт залға алғашқы рет алты жасында үлкен ағасы Андрейге еріп келді. Ағасы Андрей бокстан Қазақстан біріншілігінде бірнеше рет жеңімпаз атанған спортшы болатын.
Балалық қызығушылықпен ауыр темірлерді көтеруді үйренді. Бірақ арнайы секцияда жаттығуды сегіз жасынан бастады. Алғашқы бапекері Вилорий Пак болатын.
