Таяуда тілшілер қауымы өңірдегі кәсіпорындарға баспасөз-турын жасады. Облыс әкімі Асқар Мырзахметовтың тапсырмасы бойынша ұйымдастырылған шара аясында облыстық ішкі саясат басқармасы тілшілерді Шымкенттегі екі кәсіпорынға апарды. Соның бірі – алкогольсіз сусын шығаратын «Рауан» ЖШС.

 

IMG_6161

IMG_6152

 

IMG_6173

IMG_6175

Нарықтағы кәсібін 1998 жылы бастаған «Рауан» компаниясы бүгінде алып серіктестіктің біріне айналған. Компания басшылығы 2010 жылы «Бизнестің жол картасы» бағдарламасы бойынша 500 миллион теңге несие алып, өндіріс ауқымын кеңейтті, құрал-жабдықтарын жаңартты.

Айына он бір түрлі 700 шырын мен 500 тонна минералды су шығаратын мекеме қазіргі таңда Қазақстандағы ірі-ірі қалалардағы 33 дистрибютормен жұмыс жасайды екен. Бұл – сұраныстың жоғары екенін көрсетеді дейді басшылық.

IMG_6187

IMG_6186

IMG_6193

Компанияның шешілмей жүрген мәселесін сұраған тілшілерге жетекшілік полиэтилен ыдыстардың қалыбын Оңтүстік Кореядан сатып алып, тасымалдайтынын айтты. Мұнайы өзімізден асып, шетелге тасып жатқан мемлекетімізде «қара алтынның» соңғы қалдықтарынан жасалатын «баклажка» жасайтын бірде-бір мекеме жоқ екен. Шикізат өзімізде жасалар болса, әрі арзан, әрі отандық өнімді пайдаланатын едік дейді кәсіпорын басшылығы.

IMG_6202

 

IMG_6200

IMG_6206

Кәсіпорынның екінші проблемасы – зауыттың инфрақұрылымына қатысты. Тағы да «Бизнестің жол картасы» бағдарламасы аясында мемлекет мекемеге қарасса, цехтағы су тапшылығы сезілмес еді дейді.

[youtube]http://www.youtube.com/watch?v=MEqbcdNyA9g[/youtube]