Спорттық гимнастикадан еліміздің жоғары дәрежелі төрешілері биылғы маусымның чемпиондарын анықтауда. Қарашаның 15-іне дейін Шымкенттің спорт алаңында жүзге тарта жас сынға түседі. Жекелей сынақтарда Оңтүстіктің 36 шәкірті де жүлде үшін таласады. Мұнда көпсайыстың барлық түрінен жарыс өтуде. Жастар арасындағы ел чемпионаты биылғы маусымды қорытындылайды.
[youtube]http://www.youtube.com/watch?v=LFbda8IH_Xw[/youtube]
Сондықтан спорттық гимнастика бойынша мемлекеттік бапкер де бұл турнирге арнайы келген. Өйткені осы жеткіншектердің арасынан ол үздіктерді іріктеп, келесі жылға жоспар құрады. 2014 жылы құрлық біріншілігі мен жасөспірімдер арасында Олимпиада ойындарына жолдама үшін талас өтеді. Ұлттық құрама осы байрақты жарыстарда ел намысын қорғауы тиіс.
