Шымкентте сенбі күні түнде ірі өрт оқиғасы орын алды. Фосфоршылар зауыты маңайында өрт шықты. Бұл жөніндегі суыт хабар 101 кезекші бөліміне сенбі күні сағат кешкі жетілер шамасында келіп түскен.
Тілсіз жаумен күресушілер келгенде мұнда ескі автокөлік шиналары жанып жатты. Қауіптісі сол — жақын маңда мазут сақталған цистерна болған.
Оқиға орнына 10-ға жуық арнайы техника мен 80 өрт сөндіруші келді. Тілсіз жау 2 сағат шамасында сөндірілді. Маңайындағы заттарға және адамдарға еш зардабы тиген жоқ. Қазіргі кезде ұшқынның неден шыққанын өрт сөндірушілер анықтап жатыр.
[youtube]http://youtu.be/rboIhGVgGJA[/youtube]
