Шымкентте Индустрияландыру картасы аясында жылына 20 млн. қағаз қап шығаратын заманауи кәсіпорын іске қосылды. Құны 175 млн. теңге болатын бұл жоба — өңірде қағаз қаптарын шығаратын алғашқы кәсіпорын.
Аталған кәсіпорынның өнімдері «Стандарт цемент» зауытының Ресейден сатып алатын цемент қаптайтын қағаз қаптарының орнын алмастырмақ. Заманауи «TEKAN» маркалы қағаз қапшықтарын шығаратын кәсіпорында он адам тұрақты жұмыспен қамтылған.
«Бұл жоба өңірдің өнеркәсіптік дамуына әсерін тигізеді, себебі аталған өнімге сұраныс көп» деді облыстық кәсіпкерлік және индустриялды-инновациялық даму басқармасының басшысы Бақытжан Әшірбеков.
Дереккөз: ОҚО әкімдігі аппаратының баспасөз қызметі
