Шымкенттегі «Green Bus Compаny» автопаркі балалар үшін арнайы акция ұйымдастырды. Компания басшылығы кішкентай жолаушыларға түрлі тосынсыйлар ұйымдастырыпты. Көңілді көлікке мінген барша бала керемет мерекелік шараның куәгері болды.
«Азия -Холод» компаниясының мамандары балмұздақтары мен әуе шарларын ұсынды. Мұндай мерекелік сый-тарту «Green Bus Compаny» автопаркінің кішкентай жолаушылары үшін жасалды. Бұл тосынсыйдың бөлігі ғана, мереке кейіпкерлерін ертегідегі періште құттықтап жүр.
Бакытжан Рысбаев, «Green Bus Compаny» ЖШС директорының орынбасары: «Балалар — біздің болашағымыз. Сондықтан оларға дұрыс бағдар беру міндетіміз деп білемін. Менің ойымша, балалар үшін басты тарту — біздің ерекше назарымыз бен қанатымызға алу».
Балаларға сыйлықтар тарату шарасы мұнымен шектелген жоқ. «Green Bus Compаny» автопаркінің өкілдері шаһарамыздың көшелеріне шығып, тәттілер мен балмұздақтарды таратты. Ал біз балалардың жүздері қуаныштан бал-бұл жайнағанына куә болдық.
[youtube]https://www.youtube.com/watch?v=dRRSOXcIv0A[/youtube]
Мерекелік іс-шара бала көңілдің құрметіне күні бойы жалғасты. Ал «Green Bus» компаниясының ұжымы алдағы күндері де бүлдіршіндерге қуаныш сыйлайтын акцияларды қолға аламыз деп уәде берді.
