Өңірдің онколог мамандары шетелдік дәрігерлермен тәжірбие алмасуда. Нақтырақ айтқанда жергілікті ақ халаттылар клацкин және ұйқы безі ісігін хирургиялық жолмен емдеу және алдын алу жолдарын үйреніп жатыр.
Шара аясында бүгін онкологиялық диспансерде Франция және Монғолия елінің профессорлары Генри Бисмут пен Чинбурен Джигжидсурэннің қатысуымен мастер-класс өтті. Алдағы күндері үш елдің дәрігерлері бірігіп, ұйқы безі ісігімен ауыратын отыз науқасқа тегін кеңес беріп, 6 операция жасауды жоспарлап отыр.
