«Қазақстан ипотекалық компаниясы» арқылы берілетін пәтерлерді үйлестіру қатаң қадағаланады. Шымкентте жергілікті билік өкілдері арнайы брифинг өткізіп, жалға берілетін баспанаға қол жеткізу шартын түсіндірді.
Қала әкімінің орынбасары Бейсенбек Жанбосыновтың айтуынша, пәтер тұрғын үй кезегіндегілерге және табысын растай алғандарға ғана беріледі.
Осы тұста кезекте жылдап тұрғандардың мүмкіндігі басым. Биыл аталған бағдарлама аясында Шымкентте 492 пәтер беріледі. Ал оған 2500-ден астам қала тұрғыны құжатын өткізген.
