Шымкент қаласындағы бірқатар көшелерге жөндеу жұмыстары жүргізіліп, жарықтандырылады. Биыл шаһарда 24 көше жарықтандырылып, қосымша төрт көше қайта жөндеуден өтеді.
Жарықтандырылатын көшелердің ішінде облыс аудандарынан қаланың құрамына өткен Бабашұлы, Сареми, Әмір Темір, Жол-Мұрат-Ақкөл секілді көшелер бар. Сонымен қатар қаладағы басқа да көшелер қамтылған.
Ал Т. Рысқұлов даңғылының Жібек жолынан А. Байтұрсынов көшесіне дейінгі бөлігі қайта жөндеуден өтсе, Елшібек батыр, Уәлиханов, Сайрам, Рысқұлбеков көшелері де қайта жөнделеді. Жалпы 736 шақырым көше жарықтандырылып, 1980 жарық шам орнатылады деп жоспарланып отыр.
